Salamatnx

Para sa Saindo Gabos:

Salamat na maray sa mga pag-iribahan ta; sa satong mga dikit-dikit na ngiririt hanggang sa satong makabungug na gayong mga purusngakan, sa satong patago asin pakunyaring mga pagkaka-ilang sa ibang kairiba hanggang sa mismong pabunyag asin madramang pagsasabi kan mga kaulangan asin hinanakit sa saro-saro, sa satong mga pasaro-sarong paggibo kan mga gibuhun sa eskwela hanggang sa satong pa-grupong paghaman nin mga proyekto sa klase, sa satong mga simpleng paghirilingan sa eskwelahan hanggang sa mga komplikado asin haluy na pag-iiristuryahan sa luwas kan klase.

Sarong semana akong nag-istar duman sa Canada kan nakaaging Hulyo, banwaang daing siring an lipot; malipot nin huli ta an temperatura duman talagang hababa asin malipot nin huli ta dai ko namati an presensya nindo. Kaya daw ta grabe an sakong kaginhawahan kan nagdesisyon akong umuli sa Pilipinas maski aram kong sa laog nin siyam na bulan, dai ko makakaibahan an sakong mga magurang. Grabe an sakong pasasalamat ta sa totoo lang, sarong aldaw bago ako buminalik digdi, desidido na akong dai na magpahiling-hiling sa saindo sa haluy na panahon. Inakala ko kadto na sapat na an tulong taon na pag-iribanan niato alagad an ikaapat palan na taon an pinakamemorable asin pinakaimportante. Iyan naaraman ko ta nag-uli ako, asin ta pinamati nindo iyan sako. Sa huri tang taon sa Ateneo, kita mas sensitibo na sa pagmati kan iba asin kita mas tubod na sa satuyang mga sadiri. Pina-urog ta an satong iribanan asin pagkasararo na uminabot sa puntong mas pina-iral ta pa an ideyang kita magkaka-amigo asin -amiga imbis na kita simpleng magkakralase sana. Daing gayo ko ikinamundo an sakong desisyon na bumalik igdi sari-sari mang kasakitan asin kapagalan an satong minati.

An pirming nadadangog ko kan mga huring aldaw sa eskwela, “mayong rilingawan.” Sinisiguro ko saindo na dai ko kamo malilingawan. Maabot an puntong gabos man kita hanggang sa memorya nalang an paagi para kita magkahirilingan kun kaya daing dai ko kamo nanggad malilingawan. Siisay man talaga an makakalingaw kan satong pag-iribahan?

Gabos kita suruhayan na - an iba makakaabot sa Manila asin sa iba pang lugar. Igwa man kutang mapawaralat igdi sa dagang dinakulaan, sa Naga, iba-iba man an mga eskwelahang lalaugan asin kursong kukuanun. Kita sararo, gabos kita magkakahirilingan ulit. Sa maski anung paagi, kita mahirilingan giraray - sa YM, Friendster, Multiply, webcam, 3rd eye, etc.

Naghahagad ako nin pasensya sa mga taong an boot sakuyang nakulgan asin natamaan. Sa sakong personalidad, pinipirit kong gibuhun alagad dai ko pa nanggad buong kinakaya an maghagad nin patawad na harap-harapan sa taong sakong nadali. Patawad po sa mga taong inasar-asar ko, nakantsawan ko asin nakulgan ko. Sana epektibo man an istilo kong ito para ako nindo magirumduman pirmi asin para kamo maging mas makusog na tao. Dai ako nagpapalusot. Liwat, pasensya sa saindo.

Tigpaparaapud nindo akong “Serg,” matapos an satong paggradwar. Papanindigan ko ito maski bansag man lang nindo ito sa sako. Dai ko kamo ipapasupog.

Salamat sa mga maestro asin maestra sa Ateneo pero lalung-lalo na kina Sir Tony and Cooky na maski naghali bago kami makatapos, nakadulot ning maray sa samung pag-uswag, kina Ma'am Beuty, Tita, Delvi, Way, Paulette, Doods, Yvette, Rhea, kina Sir Gain, Gene, Willy, kina Sir MJ asin Sir Nong asin ki Madam Asther na nagpamati sato ning pagkamoot na dulot ning ina sa aki.

Salamat talaga mga padi sa nakaaging taon ta sa Ateneo. Sabi kan iba, kadakol ako duman mabibisto na makaka-amigo ko pa alagad mayo man talaga makakasiguro kayan. Siyempre mantataragas ako duman kun dai ako makahanap ning kairiba. Pero kamo pananggad an mga kabarkada kong dai ko nanggad malilingawan asin pirmi kong mamomotan. Salamat talaga sa saindo gabos. Dai ko kamo ipagpapalit sa kung sisay man, maging sisay man kamo. Salamat sa MAGISians, sa KINGS, sa ANTICS, sa Round Table, sa Tambayan, sa Delta Force, sa Darlings, sa Badong Lovers, sa Triumph, sa B&G, sa mga Ka-lunchtable ko, sa Kapz, sa Backshitters asin sa mga grupong sakong nabisto, nakaiba, asin nakaogma. Alagad ako nagpapasalamat, lalung-lalo na, sa BANAAG.

Taga-ingat kamo gabos. Magsain man kamo, magtaga-ingat sana asin ‘good luck’ sa mga kurso nindung kukuanun. Dai kamo mag-alangan na kaulyun ako o ang sisay pa man na kabarkada maski makagibo na kita nin mga sara-sadiri tang grupo sa kolehiyo. Dai man ako maalangan na pamiriminsan makaulay kamo. Dai malingaw na pirmi akong handa na makatabang asin makaulay nindo sa maski anung paagi. Nagtitiwala ako na kamo iyo man ang iniisip. Mas grabe an oras na satong bubunuun ngunyan sa pag-adal pero dai kamo mangamba ta napatunayan niato sa laog ning apat na taon na kaya tang labanan an maski anung sakuna na minalaog sa satong buhay. Ingat lang. Good luck.

Liwat, salamat. Mayo na kayang ibang termino maliban sa ‘salamat’ an pwede kong magamit.

Ako tatak Bikolnon, tatak Pinoy, tatak Ateneo, etc. Mala ta panu-panu na 'ko nin tatak. Dai ko ni malilingawan gabos. Iyan an sakong tuga.

“An kontrariya naaaraman sa paagi kan ibang kontrariya; iyo man an kaogmahan kan presensya nin sarong tao na namamati sa paagi nin kapungawan kan saiyang kawa'ran.” (Paaram)

“May ibang tao na maabot sa satong buhay alagad bigla sanang mahali. May iba man na mabisita nin haluy-haluy asin sa paghali mawalat ning tala' sa satuyang puso. Asin dai na magiging pareho an satuyang buhay sagkud pa man.” (Barkada asin Amigo/Amiga)

“Saimong balusan iyo sana an mga taong nakatabang asin nakapaogma saimo.” (Salamat)

“An kinaban dai kabuuang nakakamati nin liwanag. Pirming may sarong pisngi kaini an matatakluban nin kadikluman. Alagad dai ini magiging marhay kun puro sana liwanag o kaya puro sana kadikluman.” (Ingat/Good Luck)

Ingat kamo mga PADI. Salamatnx. Magpamati kung pwede. Babayow.

-Olrac, Kakkoii desu, Carl, Caps, Backshitter,
Serg, CPC, Emoer, Cacoy, Bitter, Caloy, Lolo,
Dolphin, Dude, Padi, Bro, Bobo, DGame,
CARLO.